අත්තනෝමතික ලෙස පන්ති තහනම් කළ ශිෂ්‍යයන් 58 දෙනා වෙනුවෙන් පෙනී සිටීම නිසා ශ‍්‍රී ලංකා සබරගමුව විශ්වවිද්‍යාලයේ මහා ශිෂ්‍ය සංගමය ඇතුළුව පීඨ ශිෂ්‍ය සංගම් ප‍්‍රජාතන්ත‍්‍ර විරෝධී ලෙස තහනම් කර අදට දින 455 ක් වන අතර එසේ තහනම් කළ මහා ශිෂ්‍ය සංගමය ඇතුළු පීඨ ශිෂ්‍ය සංගම් නැවත ස්ථාපිත කරන ලෙස බල කරමින් ශ‍්‍රී ලංකා සබරගමුව විශ්වවිද්‍යාලයේ සියලූ ශිෂ්‍ය ශිෂ්‍යාවන් අද දින (28 ) සාමකාමී පා ගමනක නිරත වූ අතර ලේඛකාධිකාරී කාර්යාලය අසල ඉදිරිපිටදී විරෝධතා ව්‍යාපාරයකද නිරත වූහ.එහි ප‍්‍රතිඵලයක් වශයෙන් විශ්වවිද්‍යාලයේ ලේඛකාධිකාරීවරයා ප‍්‍රජාතන්ත‍්‍ර විරෝධී ලෙස තහනම් කළ ශිෂ්‍ය සංගම් නැවත ස්ථාපිත කරන බවටත් එ සඳහා අදාල නිවේදනය ලබන සඳුදා දින නිකුත් කරන බවටත් විශ්වවිද්‍යාලයේ සියලූ සිසුන් ඉදිරියේදී පොරොන්දු වන ලදි.
